ஓர் ஆண்டுக்கு முன்பாக நான் 30 நிமிடங்களைக் கொண்ட செய்திச்சுருளைப் பார்த்தேன். மலாயாவின் சுதந்திரநாள் கொண்டாட்டத்தைப் பற்றியது. இச்செய்திச்சுருள் மிகவும் பரிதாப நிலையிலும் தவறாகக் கருத முடியாத நிலையிலும் இருந்தது. அந்நாளில் மக்களின் முகங்களில் காணப்பட்ட மகிழ்ச்சியும் அவர்களின் கண்கள் பெருமிதத்தில் மின்னியதையும் உன்னிப்பாகக் கவனித்தேன். அதிலும் குறிப்பாக, துங்கு அப்துல் ரஹ்மான் சுதந்திர அறிவிப்பை வாசித்தபோது:

“...மக்களாட்சியைக் கொண்ட சுதந்திர நாடாகத் திகழும். சுதந்திரம் மற்றும் நீதி அடிப்படையில் இயங்கும். அனைத்து இனத்தவர்களிடையே சுபிட்சமும் மகிழ்ச்சியும் பராமரிக்கப்படும்...”

அது 1957-ஆம் வருடம். நம் நாடு 1963-ஆம் ஆண்டுதான் மலேசியாவாக உருவெடுத்தாலும் துங்குவின் அன்றைய சுதந்திர உரையில் நாட்டின் அடித்தளம் மிகவும் தெளிவாகக் குறிப்பிடப்பட்டிருந்தது. தொடர்ந்து வந்த காலங்களில் இத்தகைய உயர் கொள்கைகள் அனைத்தும் சரிவு கண்டு வந்துள்ளன. இன்று துங்கு உயிரோடு இருந்திருந்தால் அவர் நமக்காக என்ன செய்திருப்பார் என எண்ணிப் பார்க்கிறேன். இதனை அவரிடமே மீண்டும் கேட்டுத் தெரிந்துகொள்ள வேண்டும் என முடிவு எடுத்தேன்.

இதன் மூலம் ஒரு நல்ல யோசனை தோன்றியது...

ஒரு கால இயந்திரத்தை நான் உருவாக்க வேண்டும். மலேசியா உருவாக்கப்பட்ட காலத்துக்கு மீண்டும் செல்ல வேண்டும். இந்தப் பயணத்தில் அரசியல், மதம் மற்றும் இனம் ஆகியவை எவ்வாறு தொடக்கம் கண்டது என்பதையும் கண்டறியலாம். ஒரு சில சிறிய வேறுபாடுகள் கண்ணில் படலாம். இதற்கிடையே அனைத்துக் காப்பகத்தையும் படத்தில் 4 நிமிடக் காட்சியாகவும் தொலைபேசி அழைப்புகள், CGI காட்சி விளைவுகள் அனைத்தும் இணைக்கப்பட்டுள்ளன. நான் பணத்தைத் தேடுவதிலும் இதனைச் சாத்தியப்படுவதிலும் உறுதியாக இருந்தேன்.

இறுதியாக நான் மார்ச் 2013-ஆம் ஆண்டு இத்திட்டத்தைச் செயல்படுத்த தொடங்கினேன். நானும் இணைத் தயாரிப்பாளர் பாஹீர் யூசோபும் FINAS-யிடம் இருந்து உரிமம் பெறுவதற்கான முயற்சியில் இறங்கினோம். அஸ்மிடா, மெலினா வில்லியம் ஆகிய பாடகர்களையும் இசை கலைஞர்களையும் ஒப்பந்தம் செய்து கொண்டோம்.

2013-ஆம் ஆண்டு பொதுத் தேர்தலில் இப்பட நடிகர்கள் அனைவரும் ஊக்கமுடன் செயல்பட்டுக் கொண்டிருந்ததால் அதன் பிறகு ஒரு சிறு புகைப்படப் பிடிப்பு ஏற்பாடு செய்யப்பட்டிருந்தது. துங்கு அவர்களுக்கு மரியாதை செலுத்தும் வகையில் எங்களால் இயன்ற அளவு ஊக்கத்துடன் செயலில் இறங்கினோம்.

உருவாக்கிய படைப்பு இன்னும் இரண்டு வாரத்தில் வெளியீடு காணும் தருவாயில் இதனை நான் எழுதுகிறேன். 28 நாள்கள் தொடர்ந்து ஓய்வின்றி உழைத்ததில் உடல் சோர்வும் ஏற்பட்டுள்ளது. இருப்பினும் இப்படைப்பை நாங்கள் நிறைவு செய்து விட்டதை நினைக்கும் போது மிகவும் பெருமையாக உள்ளது. எங்கள் குழுவில் பங்கெடுத்துக் கொண்ட அனைவருக்கும் இத்தருணத்தில் நன்றி கூறக் கடமைபட்டுள்ளேன். படமும் இசையும் மிகவும் சிறப்பான முறையில் உருவாக்கம் பெற உறுதுணையாக இருந்த அனைவருக்கும் வாழ்த்துகளைக் கூறிக்கொள்கிறேன்.

மமேலும், இத்தருணத்தில் எங்களுக்கு நிதியுதவி வழங்கிய அனைவருக்கும் நன்றியைத் தெரிவித்துக் கொள்கிறோம். தனியார் நிறுவனங்கள், தனிப்பட்ட குடிமக்கள் ஆகியோர் இத்திட்டத்திற்கு நிதி வழங்கி இருந்தாலும் அவர்களின் நிறுவனங்களின் சின்னங்கள் எங்கும் இடம்பெறவில்லை. படத்தில் இடம்பெற்றுள்ள கருத்துகள் அனைத்தும் மக்களிடையே சேர வேண்டும் என்பதையே அவர்கள் நோக்கமாகக் கொண்டுள்ளனர். இருப்பினும் அவர்களின் பெயர்கள் எங்காவது ஓர் இடத்தில் நிச்சயம் இடம்பெறும்.

நீங்கள் அனைவரும் இப்படத்தை விரும்புவீர்கள் என எதிர்பார்க்கிறேன். நான் கூறுவதைவிட நம் நாட்டைப் பற்றிய மேலதிகமாகத் தகவல்களை இப்படத்தில் காணலாம். பல ஆண்டுகளுக்கு முன் துங்கு ஏற்படுத்திய அதே உணர்வுகளை இப்படமும் ஏற்படுத்தும். மலேசியர்களிடமிருந்து மற்ற மலேசியர்களுக்கு - சாக்லாட், மஞ்சள், வெள்ளை, இளஞ்சிவப்பு அல்லது பச்சை அதே வண்ணங்களோடு.

படத்தைப் பார்த்ததற்கு நன்றி. இத்தகவலை நண்பர்களிடம் பகிர்ந்துகொள்வதன் மூலம் எங்களுக்கு உதவுங்கள்.

பீத் தியோ

அதிகாலை மணி 4 செப்டம்பர் 5 2013.